Скопјанец видел НЛО

http://kanal5.com.mk/default.aspx?mId=101&egId=18&eventId=93657

12 светлечки објекти забележал Трајче М. на небото над Скопје минатата ноќ меѓу 00:15 и 00:30 часот. Вели дека сведоци на настанот биле уште 500 - 1000 скопјани кои за време на случувањето стаписано гледале во небото.(обновено во 17.21)

Во писмото упатено до нашата редакција заедно со фотографиите кои Трајче ги направил со својот мобилен, пишува дека 4 пати прелетале групи од по 3 летала. 

- Се движеа многу ниско во колона. Нивните движења беа на моменти физички невозможни(барем физиката што ние ја знаеме). Како што се движеа по замислена патека на крајот сите еден по еден од иста точка под лак од отприлика 70-80 степени, нагоре со огромна брзина исчезнуваа надвор од атмосферата.Целиот настан траеше максимум до 3-4 минути – пишува скопјанецот кој ова го видел седејќи на кејот на Вардар во Аеродром.

Тој вели дека не се работело за авиони бидејќи нивното движење не било проследено со звук, немало траги од сечењето на воздухот како кај авионите, и ниеден авион не би можел за толку кратко време (отприлика 3-4 секунди) да ја напушти земјината атмосфера со толкава голема брзина./www.kanal5.com.mk

***

По објавувањето на сведочењето на скопјанецот Трајче М., до редакцијата на Канал 5 стигна уште едно писмо со исто информации. Скопјанката Биљана З. тврди дека неколку минути по полноќ во неделата ги забележала светлечките објекти на небото од скопската населба Аеродром. Таа направила и фотографија која ја испрати до нашата редакција.



****

Интересно вчера во 00:50 се враќав дома и од паркингот забележав необично светло на небото. Го загледав а во себе носев и апарат си викам да го сликам ама видов во близина на клупа седеа некои деца си викам ај да не се глупирам со апарат у темница ќе сликам башка што ќе фатам на небото. И додека се мислев некоја секунда гледајќи во објектот кој се движеше и светеше со бело светло, забележав дека почнува да трепка и со црвено и плаво светло. Единствено што ми беше чудно е што се движи некако брзо за авион (можеби и не беше брзо ама толку се разбирам во авиони), а иначе се движеше во права линија и со рамномерна брзина. Не останав да го догледам на каде оди дали ќе врти ќе забрза или не знам што затоа што мислам дека беше некаков авион или некакво летало направено од луѓе  P.S. се движеше од правец ново лисиче спрема населба водно (значи како му доаѓа северозапад према југ)...

Leia Mais…

Мистериозни кругови во нива во Штипско

Летам од 2004та и сум летал над цела Македонија. Никогаш не сум видел ништо слично!!! Ова е снимено за време на пробен лет над Крабинци, Штипско во Сабота, 1ви Јули 2012. 

I've been flying since 2004 and I have flown all over Macedonia. I have never seen anything like this!!! This was shot while doing a test flight over Karbinci near by Shtip, Saturday, July 1st 2012.

ВИДЕОТО

http://www.youtube.com/watch?v=DQvjopK0eMY&feature=player_embedded

Leia Mais…

Што барал починатиот во Шахта?

Телото на 48-годишниот Томислав А. било идентификувано дури вчера од страна на неговиот брат иако бил најден уште во март. Томислав беше најден во шахта на станица за отпадна вода во Лисиче. Затворот Идризово распиша потерница по него како бегалец, 5 дена пред да го најдат неговото тело. Тој издржувал 10-годишна затворска казна за убиство извршено во 2004-та.

Бегалец по кого затворот Идризово повеќе од три месеци имаше распишано потерница всушност бил непознат маж чиј труп бил најден на 13-ти март. По обдукцијата телото останало во Институтот за судска медицина до вчера кога брат му го идентификувал починатиот.

СВР Скопје соопшти дека конечно е откриен идентитетот на починатиот маж најден во ревизионата станица за отпадна вода од АД „Охис“ покрај реката Вардар во Горно Лисиче, скопско. Телото беше најдено на 13-ти март оваа година, а на 8-ми март (5 дена претходно) затворот Идризово распиша потерница бидејќи Томислав не се вратил од викендот.

Томислав А. требало да издржи уште една година и 7 месеци затвор од вкупната 10-годишна затворска казна. Бил осуден за убиство извршено во 2004-та во населбата Кисела Вода во Скопје. Тогаш со нож убил соседка која со него живеела на истата улица поради меѓусебни расправии.

Телото било најдено на дното на високата шахта. Го нашле двајца случајни минувачи.

Истражителите цело време се обидувале да ја решат мистеријата: кој е загинатиот човек и од што се криел во длабоката шахта за пречистување на отпадна вода.

Најверојатно Томислав првин се качил на отворот на шахтата кој е висок околу 1,6 метри и по скалите почнал да се спушта кон дното со намера тука да се крие пред евентуална полициска потера.

Симнувајќи се надолу тој се лизнал на бетонска косина внатре во шахтата покриена со вода. При падот починал. Обдукцијата ги утврдила причините за смртта, немало знаци на насилство врз телото, ниту пак имало надворешно влијание врз починатиот.

Миомир Серафиновиќ

26.06.2012, 13:56

грид

Leia Mais…

Голема македонска мистерија во близина на „Солунска глава“

На планината Јакупица, на половина пат од планинарскиот дом „Караџица“ до врвот „Солунска глава“ се наоѓа „Троживотната карпа“. Оваа карпа создаде многу контроверзни ставови кај оние кои ја виделе, но и кај оние кои само слушнале за неа. Таа претставува феномен поради фактот дека од различни агли дава различна визуелна слика која наликува на три различни животни.

> Најголемата скопска мистерија – Куќата на стравот

Движејќи се од планинарскиот дом „Караџица“ до популарното „Бегово поле“ ќе наидете на „Троживотната карпа“. На прв поглед не се забележува нејзината невообичаеност, но со движењето, со промена на визуелниот агол таа добива нова форма која наликува на птица (Сокол), потоа, чекорејќи ќе ја забележите втората форма на карпата која наликува на зајак и последно, карпата „станува куче“ (Шарпланинец).

Репортерите на Прајмтајм беа на лице место и поразговараа со луѓе од локалното население, при што ја открија легендата за „Троживотната карпа“. Според легендата, на местото каде што денес се наоѓа карпата некогаш имало куќа во која живеело младо момче кое на три години останало без своите родители. Момчето, бидејќи не можело само да се чува, него го чувале три животни (Сокол, Зајак и Шарпланинец). Соколот бил задолжен за нагледување на поширокиот простор околу куќата и за обезбедување со вода. Тој летал над куќата и носел вода од најблискиот извор, кој се наоѓа на „Бегово поле“. Зајакот растел со детето, тој си играл со него и го чувал од болести, додека пак Шарпланинецот бил одговорен за обезбедување на храна. Момчето, бидејќи се родило со срцева маана, не живеело долго. На свои тринаесет години, додека го палело оганот во дворот тоа починало. Во тој миг куќата и трите животни се претвориле во карпа, која претставувала надгробница на вечното почивалиште на проколнатото момче.

> Најголемата македонска мистерија – смртта на новинарот Владо Танески

Локалните жители велат дека карпата е свето место, во него се зачувани доблеста, хуманоста и храброста. Тоа е местото кое носи среќа и хармонија.

Дали раскажувањата на локалните жители се точни, тоа ќе остане вечна мистерија, но вие погледнете ги фотографиите и заклучете дали ќе верувате во легендата за „Троживотната“ карпа или пак само ќе се воодушевувате на нејзините форми.

„Сокол“

„Зајак“

Шар планинец

Leia Mais…

Мистерија за смртта на Владо Танески

Се’ уште неразјаснетата мистерија, за смртта на новинарот Владо Танески со своите мистични елементи се проткајува низ нашето секојдневие.

Тоа е мистеријата која пред неколку години го разбуди стравот во нас, очајните набљудувачи. Грозоморните убиства на трите мајки и тагата на нивните најблиски. Наводниот убиец, тогашен дописник на Утрински весник за Кичево, како што вели полицијата ја гледал својата мајка во овие три невини жени и ги измачувал до смрт. Следното утро  тој пишувал статии за убиствата во Утрински весник. Животот на Танески завршува со „самоубиство“, но има нешто што не’ принудува да размислиме дека убицот сé уште шета низ кичевските улици. Имено, според наводите на МВР, Владо Танески се удавил во кофа со вода. Експертите контрадикторни со своите ставови, едни велат дека тоа е возможно, но други се сомневаат во самоубиството.

Македонскиот режисер Милчо Манчевски детално го изучи целиот процес, навлезе во семејствата на жртвите и ги пренесе нивните тажни судбини. Тој ја отвори дилемата „Дали се работи за самоубиство или за убиство?.“. Во „третиот“ дел од филмот „Мајки“ на Манчевски се зборува токму за оваа тема, за кичевските убиства и смртта на новинарот Танески.

Мистериите

Како мирен и човек со „добар глас“ во околината стана сериски убиец кој се иживувал со неколкуте жртви?

Според Хелсиншкиот комитет за човекови права на Владо Танески при приведувањето му било повредено начелото на пресумпција на невиност.

Новинарот Танески бил ставен во притвор со други двајца затвореници и не му бил обезбеден 24-часовен надзор. Биле ли прекршени затворските процедури?

Никој од надлежните за случајот не успеа да објасни како може возрасен човек да се удави во кофа со вода. Најпрвин се претпоставуваше дека Танески бил под седативи, но форензичарите по извршената обдукција утврдија дека новинарот пиел само лекови за срце.

Неколку години по „самоубиството“ на Владо Танески се случи убистово, слично на оние за кој тој беше обвинет.

 Заинтересираноста од странските медиуми

„Шокантна приказна за криминалистички репортер во новина кој знаел премногу“, пренесе Guardian

„Мистерија на убиства во Македонија“, пренесе New York Times

„ „Убиецот“ новинар пронајден мртов“, пренесе Sky

„Криминалистички репортер обвинет за убиствата за кој пишуваше се самоуби“, пренесе Independent

грид.мк

Leia Mais…